Advertisements
|
കാല്‍നൂറ്റാണ്ടുകാലത്തെ മാദ്ധ്യമ പ്രവര്‍ത്തനത്തിടയില്‍ ഞങ്ങള്‍ക്കു ആദ്യമായി സംഭവിച്ച അമളിയോര്‍ത്ത് നാണം തോന്നുന്നു
കഴിഞ്ഞ കാല്‍നൂറ്റാണ്ടുകാലം ഞങ്ങള്‍ നടത്തിയ മാദ്ധ്യമ പ്രവര്‍ത്തനത്തിടയില്‍ ഞങ്ങള്‍ക്കു ആദ്യമായി സംഭവിച്ച അബദ്ധത്തെയോര്‍ത്ത് ഇപ്പോള്‍ നാണം തോന്നുകയാണ്. ജീവിതത്തില്‍ ഒരിയ്ക്കലും പറ്റാത്ത ഒരു അമളിയില്‍ ഞങ്ങള്‍ സ്വയം ലജ്ജിയ്ക്കുകയാണ്. കാരണം സമൂഹ മാധ്യമങ്ങളിലും മറ്റു ഓണ്‍ലൈന്‍ വാര്‍ത്താ മാദ്ധ്യമങ്ങളിലും മിനിറ്റുകള്‍ക്കകം പുതുതായുണ്ടാകുന്ന വാര്‍ത്തകള്‍ അത് ദൃശ്യമായാലും ശ്രവ്യമായയാലും അതിന്റെ നിജസ്ഥിതി തീര്‍ത്തും മനസിലാക്കി മാത്രമേ ഞങ്ങള്‍ ഇതുവരെയായി വാര്‍ത്തകള്‍ പബ്ളിഷ് ചെയ്തിരുന്നുള്ള. ഇക്കഴിഞ്ഞ എട്ടിന് പുതിയ മാര്‍പാപ്പയുടെ വാര്‍ത്തയുടെ കാര്യത്തില്‍ അല്‍പ്പം ജാഗ്രതക്കുറവു സംഭവിച്ചത് വലിയ ഒരു അക്കിടിയായി പരിണമിച്ചതില്‍ ഞങ്ങള്‍ ആദിവസംതന്നെ രാത്രി വൈകി പബ്ളിഷ് ചെയ്ത ബുള്ളറ്റിനില്‍ ഖേദം പ്രകടിപ്പിച്ചുവെങ്കിലും ഇപ്പോഴും അക്കാര്യത്തില്‍ തെല്ലൊരു ജാള്യത ഇല്ലാതില്ല. വത്തിക്കാനിലെ സിസ്റെറന്‍ ചാപ്പലില്‍ നിന്നു വെളുത്ത പുക പൊങ്ങിയതു കണ്ടിരുന്നു. അതു കഴിഞ്ഞ് ഒരു 25 മിനിറ്റുകഴിഞ്ഞപ്പോള്‍ വത്തിക്കാനിലുള്ള ഞങ്ങളുടെ നല്ലൊരു സുഹൃത്ത് ഞങ്ങള്‍ക്കു മെസേജ് തന്നു മനിലക്കാരന്‍ പുതിയ മാര്‍പാപ്പയായി എന്ന കാര്യം. അപ്പോള്‍ ഞാന്‍ വീട്ടില്‍ ഇല്ലായിരുന്നു. എങ്കിലും ഫോണില്‍ നോക്കി ഫേസ് ബുക്കിലും വാട്സാപ്പിലും ഒക്കെ മനിലക്കാരന്‍ കര്‍ദ്ദിനാള്‍ നിറഞ്ഞു നില്‍ക്കുന്ന മാര്‍പാപ്പയായി, എങ്കിലും അല്‍പ്പം സംശയത്തോടെയാണങ്കിലും വേഗം വാര്‍ത്ത റെക്കോര്‍ഡ് ചെയ്ത് ശരിയാക്കി അപ്ലോഡ് ചെയ്ത് 5 മിനിറ്റുകള്‍ക്ക് ശേഷമാണ് വത്തിക്കാനില്‍ നിന്നും ശരിയായ വാര്‍ത്ത ലഭിയ്ക്കുന്നത്. ഉടന്‍തന്നെ തെറ്റു മനസിലാക്കി വാര്‍ത്ത പിന്‍വലിച്ച് ശരിയ്ക്കുള്ള വാര്‍ത്ത പബ്ളിഷ് ചെയ്തപ്പോഴേയ്ക്കും നിരവധി ഫോണ്‍ കോളുകളും വാട്സാപ്പ് മെസേജുകളും ഞങ്ങള്‍ക്ക് ലഭിച്ചിരുന്നു, ഞങ്ങളുടേത് ഫേക്ക് എന്ന കമറ്റും വന്നു. എന്തായാലും ഉണ്ടായ മിസ്ടേക്ക് തിരുത്തി ഞങ്ങള്‍ രാത്രി ബുള്ളറ്റിനില്‍ ഉണ്ടായ തെറ്റില്‍ ഖേദവും അറിയിച്ചു. ഞങ്ങള്‍ സോഷ്യല്‍ മീഡിയ ഫോളോ ചെയ്തു വാര്‍ത്ത അപ്ഡേറ്റു ചെയ്യുന്നവരല്ല, പക്ഷേ സോഷ്യല്‍ മീഡിയയില്‍ വരുന്ന പോസ്ററുകളുടെ സത്യാവസ്ഥ മനസിലാക്കാതെ ഉടനെ വൈകാരികമായി പ്രതികരിക്കുന്നവരുടെ എണ്ണം ദിനം പ്രതി കൂടിവരികയാണ് എന്ന കാര്യമാണ് ഈ മിസ്ടേക്കിന്റെ അടിസ്ഥാനത്തില്‍ ഞങ്ങള്‍ക്കു പറയുവാനുള്ളത്. വെറുതെ എന്തെങ്കിലും ഫോട്ടോയും ഒരു ചെറിയ കുറിപ്പുമായി എപ്പോഴും സോഷ്യല്‍ മീഡിയ മാദ്ധ്യമക്കാര്‍ കാണിയ്ക്കുന്ന കോപ്രായത്തില്‍ ജനങ്ങള്‍ വീണുപോയില്ലെങ്കിലേ ഉള്ളു. ഇതുതന്നെയാണ് വത്തിക്കാനില്‍ കോണ്‍ക്ളേവില്‍ ഔദ്യോഗിക ഫലസൂചന നല്‍കിക്കൊണ്ട് വ്യാഴാഴ്ച വൈകുന്നേരം 6:07 ന് സിസ്റൈ്റന്‍ ചാപ്പലിന് മുകളില്‍ വെളുത്ത പുക പ്രത്യക്ഷപ്പെട്ടതോടെ കുപ്രചരണങ്ങളും ഭാവനാ വാര്‍ത്തകളും അതിവേഗം കത്തിപടര്‍ന്നത്..
വെളുത്ത പുക സിസ്റൈ്റന്‍ ചാപ്പലിന് മുകളില്‍ പ്രത്യക്ഷപ്പെട്ട് നിമിഷ നേരം കൊണ്ട് മലയാളി സമൂഹത്തിനിടെയില്‍ അതിവേഗം പുതിയ പാപ്പായുടെ ഫോട്ടോയും പോസ്ററും പടര്‍ന്നു. ഫിലിപ്പീന്‍സില്‍ നിന്നുള്ള മനില ആര്‍ച്ച് ബിഷപ്പ് കര്‍ദ്ദിനാള്‍ ലൂയിസ് അന്റോണിയോ ടാഗ്ളെ കത്തോലിക്ക സഭയുടെ പുതിയ മാര്‍പാപ്പയായി തെരഞ്ഞെടുക്കപ്പെട്ടുവെന്നായിരിന്നു ആ പോസ്ററ്. ലൂയിസ് ഒന്നാമന്‍ എന്ന പേര് സ്വീകരിച്ചതായും ഈ പോസ്ററിനൊപ്പം കുറിപ്പുണ്ടായിരിന്നു. മിനിറ്റുകള്‍ക്കുള്ളില്‍ ഈ പോസ്ററ് വാട്സാപ്പിലും ഫേസ്ബുക്കിലും മറ്റ് സോഷ്യല്‍ മീഡിയ പ്ളാറ്റ്ഫോമുകളിലും വൈറലായി.എന്നാല്‍ ഇക്കാര്യം
ഫിലിപ്പീന്‍സുകാര്‍ പോലും അറിഞ്ഞില്ല, പക്ഷേ മലയാളികള്‍ അറിഞ്ഞ എന്നതാണ് മറ്റൊരു അല്‍ഭുതം.
നാട്ടിലിരുന്ന വൈദികര്‍ പോലും സോഷ്യല്‍ മീഡിയയെ കൂട്ടുപിടിച്ചു വാട്സാപ്പില്‍ വാര്‍ത്ത ഉണ്ടാക്കി.
ഏഷ്യയില്‍ നിന്നും ആദ്യമായി ഒരു മാര്‍പാപ്പയെ ലഭിച്ചു, ഫിലിപ്പീന്‍സില്‍ നിന്നുള്ളതാണ് കത്തോലിക്ക സഭയുടെ പുതിയ പരമാധ്യക്ഷന്‍ എന്ന രീതിയില്‍ നിരവധി പോസ്ററുകള്‍ മലയാളി സോഷ്യല്‍ മീഡിയ ഇടങ്ങളില്‍ സ്ഥാനം പിടിച്ചു. എന്നാല്‍ ഇത്തരം ഒരു പ്രചരണം ഫിലിപ്പീന്‍സുകാര്‍ക്ക് ഇടയില്‍ പോലും പ്രചരിച്ചിട്ടില്ലായിരിന്നുവെന്നതാണ് ശ്രദ്ധേയമായ വസ്തുത. കര്‍ദ്ദിനാള്‍ ടാഗ്ളെയ്ക്കു സാധ്യത കല്‍പ്പിക്കപ്പെട്ടിരിന്നെങ്കിലും ഔദ്യോഗിക ഫലം വരുന്നത് വരെ ഫിലിപ്പീന്‍സിലെ ജനങ്ങള്‍ കാത്തിരിന്നുവെന്നതാണ് അഭിനന്ദനാര്‍ഹമായ വസ്തുത. ഏതോ ഒരു മലയാളി പടച്ചുവിട്ട പോസ്ററില്‍ സത്യമേത് അല്ലെങ്കില്‍ ശരിയേത് തെറ്റേത് എന്ന കാര്യം എന്നു തിരിച്ചറിയാനുള്ള വിവേകം മലയാളിക്ക് നഷ്ടപ്പെടുന്ന അവസ്ഥയാണുള്ളത്.
അതേസമയം വത്തിക്കാന്‍ സ്റേററ്റ് സെക്രട്ടറി കര്‍ദ്ദിനാള്‍ പിയട്രോ പരോളിന്‍, ഹംഗേറിയന്‍ കര്‍ദ്ദിനാള്‍ പീറ്റര്‍ ഏര്‍ഡോ, കര്‍ദ്ദിനാള്‍ ലൂയിസ് അന്റോണിയോ ടാഗ്ളെ എന്നിവര്‍ ഉള്‍പ്പെടെ സോഷ്യല്‍ മീഡിയയും ലോക മാധ്യമങ്ങളും പുതിയ പാപ്പയായി വരാന്‍ സാധ്യത കല്‍പ്പിച്ചിരിന്നവരുടെ ലിസ്ററില്‍ നിന്നും ആരോഒരാള്‍ പടച്ചുവിട്ട വാര്‍ത്ത എല്ലാവരേയും കുഴക്കി.
എന്നാല്‍ സാധ്യത ഒട്ടും കല്‍പ്പിക്കപ്പെടാതിരിന്ന വ്യക്തിയാണ് പുതിയ പാപ്പയായി തെരഞ്ഞെടുക്കപ്പെട്ട റോബര്‍ട്ട് പ്രെവോസ്ററ്. ഔദ്യോഗിക പ്രഖ്യാപനം വരുന്നത് വരെയുള്ള കോണ്‍ക്ളേവിന്റെ രഹസ്യാത്മക സ്വഭാവത്തെ കുറിച്ച് ഈ നാളുകളില്‍ മാധ്യമങ്ങളില്‍ ഏറെ വാര്‍ത്തയായിരിന്നെങ്കിലും അതിനെ ഗൗനിക്കാനോ സെന്‍റ് പീറ്റേഴ്സ് ബസിലിക്കയുടെ ബാല്‍ക്കണിയില്‍ നിന്നു പ്രോട്ടോഡീക്കന്‍റെ ഔദ്യോഗിക പ്രഖ്യാപനം വരെ കാത്തിരിക്കാനോ സോഷ്യല്‍ മീഡിയക്കാര്‍ കാത്തിരിയ്ക്കാതെ പുതിയ മാര്‍പാപ്പായെ വാഴിക്കാന്‍ സോഷ്യല്‍ മീഡിയക്കാര്‍ക്കു കഴിഞ്ഞു. വാളെടുത്തുന്നവര്‍ എല്ലാം വെളിച്ചപ്പാടുകള്‍ എന്ന പഴംചൊല്ലുപോലെ ആടിനെ പട്ടിയാക്കി മാറ്റി.അഃുകൊണ്ട് സോഷ്യല്‍ മീഡിയക്കാരെ മാറ്റി നിര്‍ത്തുക,
കണ്ണുമടച്ച് വിശ്വസിക്കുന്ന സ്വഭവം കാണിക്കാതിരിയ്ക്കുക, വസ്തുത ഏതാണന്നു ശരിയാക്കി മനസിലാക്കുക.
നവമാധ്യമങ്ങളില്‍ എന്തെങ്കിലും ഒരു പോസ്ററ് കണ്ടാല്‍ വൈറലാക്കാന്‍ എല്ലാവരും വെമ്പിനില്‍ക്കുകയാണ്, അതിന്റെ പരിണിത ഫലം മിക്കപ്പോഴും ഫേക്കായിരിയ്ക്കും. വിവേകം കൈവെടിയാതെ അതിവൈകാരിക തലത്തില്‍ കാണുന്നതെല്ലാം പ്രചരിപ്പിക്കുന്നവര്‍ക്ക് കൂടിയുള്ള താക്കീത് കൂടിയാണ് പുതിയ പാപ്പയുടെ ഔദ്യോഗിക പ്രഖ്യാപനം എന്നുകൂടി ഓര്‍മ്മിപ്പിച്ചുകൊണ്ട് ഈ എക്സ്ക്ളൂസീവ് ഇവിടെ പൂര്‍ണ്ണമാവുകയാണ്. |
|
- dated 10 May 2025
|
|
|
|
Comments:
Keywords: Europe - Otta Nottathil - fake_news_social_media_pope_election_new_concleve Europe - Otta Nottathil - fake_news_social_media_pope_election_new_concleve,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
|
|
Advertisements
|
